Մադրիդի «Ռեալի» հարձակվող Էնդրիկի գոլն Իսպանիայի գավաթի կիսաեզրափակիչի՝ «Ռեալ Սոսյեդադի» դեմ պատասխան խաղում դարձավ 18-ամյա ֆուտբոլիստի հինգերորդ գոլն այս մրցաշարի ընթացիկ մրցաշրջանում։ Բրազիլացի հարձակվողը դարձավ «Արքայական ակումբի» առաջին խաղացողը Կրիշտիանու Ռոնալդուից հետո, որն Իսպանիայի գավաթի մեկ մրցաշրջանում խփել է առնվազն հինգ գոլ։ 2012/2013 մրցաշրջանում պորտուգալացի ֆուտբոլիստը խփել էր յոթ գոլ։ Այս մասին տեղեկացնում է Opta-ն։
Հիշեցնենք, որ Էնդրիկը միացավ «Ռեալին» անցած ամառ։ Մինչ այդ 18-ամյա հարձակվողը հանդես էր գալիս «Պալմեյրասի» կազմում։ Ընդհանուր առմամբ, այս մրցաշրջանում նա մասնակցել է 28 հանդիպման բոլոր մրցաշարերում և խփել 6 գոլ։
Fanat, Realmadrid.am