Իսպանիայի առաջնության 16–րդ տուրում Մադրիդի «Ռեալը» կհյուրընկալվի «Ժիրոնային» (08.12.2024 00:00):

«Ժիրոնայի» գլխավոր մարզչի նախախաղային մամուլի ասուլիսը։

«Այսօր լավ հանդիպում եմ սպասում «Ռեալից»։ Հիանալի թիմ է և ՉԼ–ի ու Լա լիգայի գործող հաղթողն է։ «Սերուցքայինները» թոփ կազմ ունեն՝ անգամ առանց վնասվածք ստացած Վինիսիուս Ժունիորի։ Մբապեն աշխարհի լավագույն ֆուտբոլիստներից մեկն է և նրանք ունեն նաև Բելինգեմ, Ռոդրիգո, Գյուլեր․․․ դժվար խաղ է սպասվում, այդ պատճառով էլ մենք պետք է հիանալի դրսևորենք մեզ, իսկ մրցակիցը՝ հակառակը»։

«Այսօրվա խաղի ծրագի՞րը, մենք խաղալու ենք աշխարհի լավագույն թիմերից մեկի դեմ, այդ պատճառով էլ մենք պետք է իդեալական խաղանք ինչպես պաշտպանությունում, այնպես էլ հարձակման գծում։

Եվ մենք կարող ենք դա անել։ Մի քանի օր առաջ «Ռեալը» պարտվեց «Ատլետիկին», սակայն նրանք առաջվա պես պայքարում են բոլոր տիտղոսների համար»։

«Մբապե՞ն, բոլոր մարզիչներն ու թիմերն էլ փորձում են կանգնեցնել նման մակարդակի ֆուտբոլիստներին։ Կասկած չկա, որ Կիլիանն աշխարհի լավագույն ֆուտբոլիստներից մեկն է։ Մի քանի օր առաջ նա չիրացրեց 11–մետրանոցը և դա մեծ հետևանք ունեցավ նրա համար, քանի որ գտնվում է ամբողջ աշխարհի ուշադրության կենտրոնում։

Մբապեին դժվար է կանգնեցնելը, բայց մենք ծրագիր ենք կազմել դրա համար։ Դրանցից մեկը գնդակի վերահսկողությունն է, իսկ կորստի դեպքում՝ նահանջը։ Երկրորդ տարբերակը խորը պաշտպանությունն է։ Տեսնենք՝ ինչ տարբերակ կընտրենք»։