«Ռեալը» պատասխանել է Ֆրանսիայի ֆուտբոլի ֆեդերացիայի նախագահ Նոել Լե Գրեի՝ Զինեդին Զիդանի հասցեին արած հայտարարություններին:

«Ռեալը» ցավում է Ֆրանսիայի ֆուտբոլի ֆեդերացիայի նախագահ Նոել Լե Գրեի՝ ֆուտբոլի պատմության մեծագույն լեգենդներից մեկի՝ Զինեդին Զիդանի վերաբերյալ հայտարարությունների համար:

Այդ խոսքերը անարգանք են մի մարդու նկատմամբ, որով հիացել են ամբողջ աշխարհում: Մեր ակումբը սպասում է, որ իրավիճակն անհապաղ կպարզաբանվի:

Զինեդին Զիդանն աշխարհի և Եվրոպայի չեմպիոն է, սակայն, բացի այդ ամբողջ կարիերայի ընթացքում հարգել է մարզական արժեքներն ու փոխանցել մյուսներին: 

Ֆրանսիայի ֆուտբոլի ֆեդերացիայի նախագահի խոսքերը հարիր չեն մի մարդու, որը նման բարձր պաշտոն է զբաղեցնում: Նրան հարիր չեն նաև մեր ավագի՝ Կարիմ Բենզեմայի հասցեին արած հայտարարությունները, որը Ֆրանսիայի հավաքականի հետ հաղթել է Ազգերի լիգայում, նվաճել է «Ոսկե գնդակ» ու 5 անգամ հաղթել է Չեմպիոնների լիգայում»: 

Հիշեցնենք, որ Լե Գրեին հարցրել էին՝ արդյոք Զիդանը կարող է գլխավորել Ֆրանսիայի հավաքականը: ՖՖՖ նախագահը պատասխանել էր, որ իրեն չի հետաքրքրում և նույնիսկ հեռախոսը չի վերցնի, եթե լեգենդար ֆրանսիացին զանգի:

Fanat, Realmadrid.am