• Գլխավոր
  • /
  • Հոդվածներ
  • /
  • Վինիսիուս. «Անում եմ հնարավոր ամեն բան, որպեսզի «Ռեալը» լինի այնտեղ, որտեղ պետք է լինի»

Հոդվածներ

Վինիսիուս. «Անում եմ հնարավոր ամեն բան, որպեսզի «Ռեալը» լինի այնտեղ, որտեղ պետք է լինի»
01.12.2021
2362 0

Վինիսիուս Ջունիորը հերթական անգամ նշել է, որ իր երազանքը «Ռեալի» կազմում մեծ նվաճումների հասնելն ու ակումբի պատմության մեջ իր անունը գրելն է։ 21-ամյա ֆուտբոլիստը ընթացիկ մրցաշրջանում ուղղակի փայլում է։ Նա անկացրած 20 խաղերում դարձել է 11 գոլի և 8 գոլային փոխանցման հեղինակ։ 

«Միշտ երազել եմ հանդես գալ «Ռեալի» կազմում։ Ինչ վերաբերում է «Ռեալի» տարբերանշանը համբուրելուն, ապա կարող եմ ասել, որ միշտ անում եմ դա, քանի որ ակումբում բոլորը սիրում են ինձ, և ես անում եմ հնարավոր ամեն բան, որպեսզի «Ռեալը» լինի այնտեղ, որտեղ պետք է լինի։ 

Խաղադաշտում շատ մոտ եմ Կարիմ Բենզեմայի հետ, իսկ խաղադաշտից դուրս Ռոդրիգոյի և Միլիտաոյի։ Հանդերձարանում միշտ ուրախացնում են Միլիտաոն և Մարսելոն։ 

Մրցաշրջանը լավ է մեկնարկել ինձ համար, և ես հույս ունեմ այն ավարտել այնպես, ինչպես սկսել եմ։ Պետք է պատրաստ լինեմ հաղթել ամեն ինչ ու դառնալ ավելի լավը։ 

Ես սիրում եմ այս ակումբը և ցանկանում եմ մնալ այստեղ երկար տարիներ։ Ցանկանում եմ պատմություն կերտել այս ակումբի հետ». նշել է Վինիսիուսը։ 

Los Merengues, Realmadrid.am


Ամենակարդացված