Մադրիդի «Ռեալի» կիսապաշտպան Կազեմիրոն ամփոփել է «Բետիսի» նկատմամբ տարած հաղթանակը։ 

«Սրանք շատ կարևոր երեք միավորներ էին։ «Բետիսը» մրցակցիներից միավորներ կխլի այստեղ, քանի որ նրանց դեմ խաղալը շատ բարդ է։ Այդ թիմում շատ են որակյալ ֆուտբոլիստները՝ այնպես, ինչպես Կանալեսն ու Ֆեկիրը։ 

Հենց նման խաղերն են նպաստում չեմպիոնությանը։ Մենք լավ աշխատանք կատարեցինք, և խաղադաշտում եղած յուրաքանչյուր ֆուտբոլիստ կարևոր դեր խաղաց այս հաղթանակի գործում։

Առաջին 10 րոպեների ընթացքում մենք շատ ակտիվ էինք։ Հետո մրցացկիցը ավելացրեց, սակայն նրանք չէին կարողանում մոտենալ մեր դարպասին։ Արդյունքում կարողացանք գոլ խփել ու շատ բարդ խաղում կարևոր երեք միավոր վաստակել»,- նշել է Կազեմիրոն։

Los Merengues, Realmadrid.am