«Ռեալը» կարող է նոր պայմանագիր չկնքել Լուկաս Վասկեսի հետ։
Relevo-ի փոխանցմամբ, ակումբում շատ մեծ կասկածներ ունեն իսպանացու հետ գործող պայմանագիրը երկարաձգելու շուրջ։ Այն ավարտվում է 2025 թվականի ամռանը։
«Սերուցքայինները» պատրաստվում են ազատ գործակալի կարգավիճակով թիմ հրավիրել Տրենտ Ալեքսանդր-Արնոլդին։ Բացի այդ հաջորդ մրցաշրջանում արդեն շարք կվերադառնա Դանի Կարվախալը։ Ստացվում է, որ այդ պարագայում աջ պաշտպանի դիրքում Վասկեսը դառնալու է միան երրորդ տարբերակը։
Նշվում է որ կարևորագույն հանգամանքներից մեկը Վասկեսի դերն է հանդերձարանում։ Բայց այստեղ էլ առաջ է գալիս Ֆլորենտինո Պերեսի կանոնը՝ երկարաձգել պայմանագիրը միայն մեկ տարով 30-ից բարձր տարիք ունեցող ֆուտբոլիստների հետ։ Ակումբի աղբյուրների պնդմամբ, Վասկեսի համար բարդ է լինելու նոր պայմանագիր ստանալը։ Հարցը լուծում կստանա մայիսին։
Լա Լիգայի ընթացիկ խաղարկությունում Լուկասը մասնակցել է 23 հանդիպման՝ դառնալով 1 գոլի և 4 գոլային փոխանցման հեղինակ։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
