«Ռեալի» պաշտպան Ալվարո Օդրիոսոլան, ամենայն հավանականությամբ, կշարունակի հանդես գալ Ա Սերիայում:

Ինչպես հաղորդում է հայտնի ինսայդեր Նիկոլո Սկիրան, «մանուշակներն» ակտիվ բանակցություններ են վարում իսպանացի ֆուտբոլիստի գործակալի հետ:

Նշվում է, որ իտալական ակումբը մտադիր է գնել Օդրիոսոլայի ամբողջական տրանսֆերը: «Ռեալի» հետ բանակցությունները կայանալու են մայիսին:

Ա Սերիայի ընթացիկ մրցաշրջանում 26-ամյա ֆուտբոլիստն անցկացրել է 20 հանդիպում՝ դառնալով 1 գոլի և նույնքան արդյունավետ փոխանցման հեղինակ: