Այս օրը. 54 տարի առաջ «Ռեալը» 12-րդ անգամ դարձավ Լա լիգայի հաղթող (տեսանյութ)

09.04.2021

1306 0

«Կորդոբայի» դեմ խաղում 3-0 հաշվով հաղթանակն ապահովեց «Ռեալի» 12-րդ չեմպիոնությունը Լա լիգայում:

54 տարի առաջ՝ այս օրը, Մադրիդի «Ռեալը» պատմության մեջ 12-րդ անգամ դարձավ Լա լիգայի չեմպիոն: 1967 թվականի ապրիլի 9-ին մեր թիմը զրկեց մրցակիցներին միավորներով իրեն հավասարվելու տեսական հնարավորությունից «Կորդոբայի» դեմ խաղում խոշոր հաշվով հաղթանակից հետո:

Գրոսոյի, Վելոսոյի ու Ամանսիոյի՝ երկրորդ խաղակեսում խփած գոլերի շնորհիվ «Սանտիագո Բեռնաբեուում» հավաքվածները տեսնում էին, թե ինչպես է թիմը մոտենում փառքի հերթական նշաձողին:

Այդ մրցաշրջանում Մադրիդի «Ռեալը» 5 միավորով գերազանցեց երկրորդ հորիզոնականն զբաղեցրած «Բարսելոնային» ու տնային խաղերն ավարտեց անպարտելիության շարքով:

Թիմն այդ մրցաշրջանում գլխավորում էր Միգել Մունյոսը, որի համար այդ չեմպիոնությունը Լա լիգայում 6-րդն էր:

ՏԵՍԱՆՅՈՒԹ

Robbie Raul, Realmadrid.am