Նրա վերջին վնասվածքները, հատկապես 2024-ի ծնկի ծանր վիրահատությունը, դեռ հիշվում են, բայց դրանք չեն ազդում լեգանեսցի ֆուտբոլիստի մրցակցային ոգու վրա: Չնայած «Սիթիի» դեմ խաղերում գրեթե չերևաց (ընդամենը 14 րոպե), նա օգտագործեց «Էլչեի» դեմ 4-1 հաշվով հաղթանակի հնարավորությունը, որպեսզի պատրաստ լինի «Ատլետիկոյի» դեմ խաղին: Եվ չնայած սպասվում էր, որ Տրենտը կլինի մեկնարկում, բրիտանացի թիմակցի ուշացման պատճառով Կարվախալը դուրս եկավ դաշտ ու ապացուցեց իր կարգը՝ պայքարելով Լիգայի ամենաարագավազ խաղացողներից մեկի՝ Ադեմոլա Լուկմանի դեմ:

Մենթոր է, բայց ուզում է խաղալ

Արբելոան նրան բնորոշել էր որպես «Ռեալի ԴՆԹ-ի» կրող, բայց Կարվախալի համար միայն երիտասարդներին (Պիտարչ, Պալասիոս և այլք) խորհուրդներ տալը բավարար չէ: Նրան ուժ է տալիս հենց մեկնարկային կազմում լինելը: «Ատլետիկոյի» դեմ խաղի առաջին վտանգավոր պահը հենց նա ստեղծեց 3-րդ րոպեին, ինչպես նաև ցույց տվեց, որ եզրային փոխանցումներով (Տրենտի «մասնագիտությունը») չի զիջում մրցակցին:

Կարվախալն ու Ռյուդիգերը (ում պայմանագիրը նույնպես ավարտվում է հունիսին) թիմի պաշտպանության փորձառու հիմքն են՝ ի տարբերություն երիտասարդ Կարերասի ու Հաուսենի: Ապրիլը՝ Չեմպիոնների լիգայի վճռորոշ փուլը, ավանդաբար «Կարվախալի տարածքն է»: