Շաբաթ օրը Մադրիդի «Ռեալը» «Ալֆրեդո Դի Ստեֆանո» մարզադաշտում հյուրընկալելու է «Լևանտեին»։

Այսօր թիմը հերթական մարզումն է անցկացրել, և այն կրկին ղեկավարել է Բետոնին։

Ֆուտբոլիստները գնդակով և առանց դրա վարժություններ են կատարել, որից հետո տակտիկական որոշ սխեմաներ փորձարկել։ 

Սերխիո Ռամոսը կրկին մարզվել է մարզասրահում և ամենայն հավանականությամբ բաց կթողնի առաջիկա հանդիպումը։ 

Մարզմանը չի մասնակցել Լուկաս Վասկեսը, ով աջ ոտքի շրջանում անհարմարություններ է զգացել, ու նրա մասնակցությունը «Լևանտեի» դեմ խաղին նույնպես հարցականի տակ է։

Վնասվածքը այնքան էլ լուրջ չէ, սակայն հաշվի առնելով Դանի Կարվախալի վերադարձը, Վասկեսը կարող է հանգստանալու հնարավորություն ստանալ։ 

Ռոդրիգոն և Վալվերդեն շարունակում են գտնվել վերականգնողական փուլում, իսկ Նաչոն ինքնամեկուսացման պայմաններում է։

Los Merengues, Realmadrid.am