Մադրիդի «Ռեալի» գլխավոր մարզիչ Կառլո Անչելոտին պատասխանել է այն հարցին, թե որ թիմն է «Արքայական ակումբի» գլխավոր մրցակիցը Լա լիգայում:

«Այն անկումը, որը մեզ հետ տեղի ունեցավ նոյեմբերին, «Բարսելոնայում» կատարվեց դեկտեմբերին: Ցանկացած թիմի հետ կարող է լինել նման անկում, սակայն որոշ ժամանակ անց այն նորից դառնում է մարտունակ: Կարծում եմ՝ «Բարսելոնան» ու «Ատլետիկոն» չեմպիոնության հավասար հնարավորություններ ունեն Լա լիգայում»,- իտալացուն մեջբերում է AS-ը:

Հիշեցնենք, որ Իսպանիայի առաջնության 18 տուրից հետո 42 միավորով առաջատարն «Ատլետիկոն է», «Ռեալը» նույնքան խաղում 1 միավոր պակաս է վաստակել ու երկրորդն է, իսկ «Բարսելոնան» անցկացրած 19 խաղում ձեռք է բերել 38 միավոր ու եզրափակում է լավագույն եռյակը:

Fanat, Realmadrid.am