«Ռեալը» սկսել է ակումբի նախագահական ընտրությունների նախապատրաստական աշխատանքները։ 

Հունվարի 7-ին Ֆլորենտինո Պերեսը ակումբի տնօրեննրի խորհրդի նիստ է նշանակել, որպեսզի սկսեն նոր նախագահական ընտրությունների գործընթացը։ Այս ամենի մասին ակումբը հայտարարություն է տարածել։

Պերեսը ակումբի նախագահի պաշտոնում է 2009 թվականից։ Այդ ժամանակ նա միակ թեկնածուն էր։ 2013-ին, 2017-ին և 2021-ին նույնպես նա մրցակիցներ չի ունեցել։

Նախորդ ընտրությունները տևել են 13 օր՝ ապրիլի 1-ից 13-ը։

Թեկնածուների առջև դրված են հետևյալ պահանջները. Լինել իսպանացի, չափահաս ու գործունակ, տեղյակ լինել վճարումների մասին, լինել Մադրիդի «Ռեալի» անդամ առնվազն 20 տարի, ղեկավար պաշտոնում աշխատելու սահմանափակումներ չունենալ, ֆուտբոլում այլ պաշտոններ ու գործառույթներ չունենալ, տրամադրել բանկային երաշխիք ակումբի բյուջեի 15%-ի չափով՝ ապահոված անձնական ակտիվներով։

Los Merengues, Realmadrid.am