«Ռեալը» կարծես թե գտել է Կրոսին փոխարինողին։ «Սերուցքայինները» «Ռեալ Սոսյեդադի» կիսապաշտպան Մարտին Սուբիմենդիին տեսնում են այդ դերում։

Ավելի վաղ հայտնի էր դարձել, որ մադրիդյան ակումբը հետաքրքրված է 25-ամյա ֆուտբոլիստի ծառայություններով։ 

As-ի տեղեկություններով, «Ռեալում» գտնում են, որ նա կարող է ստանձնել այն դերը, որը ուներ Թոնի Կրոսը։ Բացի դա, նրա ձեռքբերումը կմտնի այն քաղաքականության շրջանակում, որն ակումբը որդեգրել է։ Այն ուղղված է թիմի ուժեղացմանը երիտասարդ իսպանացի ֆուտբոլիստների միջոցով։

Նշվում է, որ հնարավոր տրանսֆերը նախատեսված է իրականացնել 2025-ի ամռանը։ Ընթացիկ մրցաշրջանում կիսապաշտպանը «Սոսյեդադի» կազմում մասնակցել է 21 հանդիպման՝ դառնալով մեկական գոլի ու գոլային փոխանցման հեղինակ։

Հիշեցնենք, որ «Մանչեսթեր Սիթին» ևս հետաքրքրված է Սուբիմենդիի ծառայություններով։

Los Merengues, Realmadrid.am