Չնայած այն ամենին, որ այս մրցաշրջանում «Ռեալը» դեռ երկու խաղ ունի, «Բետիսի» դեմ կայանալիք տնային հանդիպումը կարող է վերջինը լինել թիմի մի քանի ֆուտբոլիստների համար։ 

Թոնի Կրոսն արդեն իսկ հայտարարել է մրցաշրջանի ավարտից հետո իր կարիերան ավարտելու մասին։ Այս հանդիպումը նրա համար վերջինն է լինելու «Սանտիագո Բեռնաբեու» մարզադաշտում։

Կեպայի վարձակալության ժամկետն ավարտվում է, և մեծ հավանականությամբ նա նույնպես չի շարունակի իր ելույթները «Արքայական» ակումբի կազմում։ 

Նաչոն Ֆերնանդեսի վերաբերյալ դեռևս հստակ որևէ բան չկա։ Որոշ ժամանակ առաջ նշվում էր, որ նա հայտնել է ակումբի ղեկավարությանը մրցաշրջանի ավարտից հետո իր հեռանալու մասին, սակայն այժմ իսպանական մի շարք լրատվականներ պնդում են, որ ավագը կարող է մտափոխվել։ 

Լուկա Մոդրիչը դեռ հստակ որոշում չի կայացրել իր ապագայի վերաբերյալ, սակայն առավել հավանական է, որ նա ևս մեկ մրցաշրջան կանցկացնի «Ռեալի» կազմում։ 

Խոսելուն հիանալի մրցաշրջան է անցկացրել ՝ հաշվի առնելով այն, որ նա ավելի շատ եղել է պահեստային ֆուտբոլիստ։ Ակումբի ղեկավարությունը դիտարկում է նրան ևս մեկ տարի թիմում պահելու տարբերակը, սակայն ամռանը թիմի է միանալու նաև Էնդրիկը, ինչպես նաև իրականությանը շատ մոտ է Մբապեի տեղափոխությունը։ Այդ պարագայում Խոսելուն կարող է հեռանալ թիմից։

Los Merengues, Realmadrid.am

Միացի’ր Չեմպիոնների Լիգայի եզրափակիչի մեգադիտմանը` ՄԵԾ ԷԿՐԱՆՈՎ