«Ռեալի» պաշտպան Անտոնիո Ռյուդիգերը կարող է բաց թողնել մադրիդյան դերբին։ 

«Խետաֆեի» դեմ խաղի առաջին կեսում 30-ամյա ֆուտբոլիստը մկանային վնասվածք է ստացել և ստիպված եղել փոխարինվել ընդմիջմանը։ 

COPE-ի փոխանցմամբ, գերմանացի ֆուտբոլիստի մոտ առաջացել է հեմատոմա։ 

Փետրվարի 4-ին «Ռեալը» հերթական անգամ ուժերն է չափելու «Ատլետիկոյի» հետ, և Ռյուդիգերի մասնակցությունը այդ հանդիպմանը հարցականի տակ է, սակայն բացառված չէ, որ գերմանացին կարող է նաև հայտնվել մեկնարկային կազմում։ 

Եթե Ռյուդիգերը ի վերջո չկարողանա խաղադաշտ դուրս գալ, ապա Անչելոտին կենտրոնական պաշտպանի դիրքում կունենա միայն մեկ տարբերակ՝ Նաչո Ֆերնանդեսը։

Los Merengues, Realmadrid.am