Ուշագրավ իրադարձություններ, որոնք «Ռեալի» պատմության մեջ տեղի են ունեցել դեկտեմբերի 23-ին:

• 1926

96 տարի առաջ ծնվել է Խոսեիտոն, կամ Խոսե Իգլեսիաս Ֆերնանդեսը, որը «Ռեալում» խաղացել է 1951-ից 1959 թվականներին: Նա մասնակցել է 178 հանդիպման և խփել 77 գոլ: Նա հաղթել է 4 Եվրոպայի գավաթ, երկու Լատինական գավաթ և 4 Իսպանիայի առաջնության տիտղոս:

• 1950

72 տարի առաջ ծնվել է Վիսենտե դել Բոսկեն, «Ռեալի» ֆուտբոլիստը (1973-1984) և մարզիչը (1994,1996 և 1999-2003): Նա խաղացողի կարգավիճակով մասնակցել է 339 հանդիպման և խփել 25 գոլ: Որպես ֆուտբոլիստ նա հաղթել է 5 Իսպանիայի առաջնություն ու 4 Իսպանիայի գավաթ:

Մարզչի կարգավիճակով նա «Սերուցքայիններին» գլխավորել է 246 խաղում: Նա երկու անգամ հաղթել է Չեմպիոնների լիգան, իննչպես նաև Մինչմայրցամաքային գավաթը, Եվրոպայի սուպերգավաթը, 2 Իսպանիայի առաջնություն ու Իսպանիայի սուպերգավաթը:

• 1997

25 տարի առաջ ծնվել է Լուկա Յովիչը, որը «Ռեալում» խաղացել է 2019-ից 2022 թվականներին:

• 2005

17 տարի առաջ «Ռեալը» պաշտոնապես հայտնեց Սիսինյոյի տեղափոխության մասին: Բրազիլացին «Ռեալի» կազմում մասնակցեց 32 խաղի և խփեց 3 գոլ:

• 2007

15 տարի առաջ «Ռեալը» 1-0 հաշվով արտագնա հաղթանակ տարավ «Բարսելոնայի» նկատմամբ: Աչքի ընկավ Ժուլիո Բապտիստան, որը ստացավ Ռուդ վան Նիստելրոյի հաշվենկատ փոխանցումը:

• 2017

5 տարի առաջ Մադրիդի «Ռեալը» տանը 0-3 հաշվով պարտվեց «Բարսելոնային»: Նախքան ընդմիջումը գոլազուրկ ոչ-ոքի էր, սակայն երկրորդ խաղակեսում աչքի ընկան Լուիս Սուարեսը, Լիոնել Մեսին ու Վիդալը: