«Բավարիայի» պաշտպան Դավիդ Ալաբան դեռևս վերջնականապես չի կողմնորոշվել, թե որ թիմի կազմում պետք է հանդես գա գալիք մրցաշրջանում:
Ավելի վաղ իսպանական լրատվամիջոցները հայտնում էին, որ ավստրիացին պայմանագիր է համաձայնեցրել «Ռեալի» հետ ու, ամենայն հավանականությամբ, ամռանն ազատ գործակալի կարգավիճակով կտեղափոխվի Մադրիդ:
Ինչպես գրում է Sport Bild-ի լրագրող Քրիստիան Ֆալկը, «արքայական» ակումբը պատրաստ չէ բավարարել Ալաբայի ֆինանսական պահանջները, այդ պատճառով էլ վերջինս սկսել է բանակցել այլ ակումբների հետ:
Թեկնածուների թվում նշվում են ՊՍԺ-ն և ևս մի քանի անգլիական թիմ:
Ավելի վաղ տեղեկություն կար, որ փարիզյան ակումբի նորանշանակ գլխավոր մարզիչ Մաուրիսիսո Պոչետինոն Ալաբային երաշխավորել է, որ տեղ կհատկացնի կիսապաշտպանությունում:
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
