Իսպանիայի սուպերգավաթի կիսաեզրափակիչում Մադրիդի «Ռեալը» կմրցի «Մալյորկայի» հետ (09.01.2025, 23:00):

«Մալյորկայի» կիսապաշտպան Սերխի Դարդերի հարցազրույցը

«Մենք գիտենք, որ Իսպանիայի սուպերգավաթը նվաճելը բարդ կլինի, բայց մենք նպատակ ունենք դա անել, քանի որ ընդամենը երկու խաղ ենք հեռու դրանից։ «Ռեալի» դեմ առաջիկա խաղը պատմական է մեզ համար, քանի որ մեր շատ ֆուտբոլիստներ այլևս հնարավորություն չեն ունենա մասնակցելու նման հանդիպումների։ Ահա թե ինչու մենք ցանկանում ենք հաղթել այս գավաթը։

«Ռեալը» կարող է ջախջախել ձեզ, եթե շատ սխալներ թույլ տաք։ Վաղը մենք պետք է հնարավորինս քիչ սխալներ թույլ տանք և վերահսկենք խաղի ընթացքը։

Իհարկե, շատերը շատ փոքր հնարավորություն կտան մեզ անցնելու եզրափակիչ, բայց մենք պետք է հուսանք և հավատանք, որ կարող ենք հաղթել նրանց։ Միևնույն ժամանակ, մենք հասկանում ենք, որ նման կարճ մրցաշարերում, ի տարբերություն Լա Լիգայի, «Ռեալը» կարող է հաղթել խաղը 10 րոպեում։

Այնուամենայնիվ, մենք հավատում ենք ինքներս մեզ։ Եթե մենք ցուցադրենք մեր լավագույն խաղը, մենք կարող ենք հաղթել, և մենք արդեն ապացուցել ենք դա։ Այդ պատճառով մենք կփորձենք բարդացնել առաջիկա խաղը նրանց համար»։