Մադրիդի «Ռեալի» բրազիլացի հարձակվող Վինիսիուս Ժունիորը կստանա FIFA The Best մրցանակը՝ հաղորդել է O Globo-ն:

Բրազիլական աղբյուրի հրապարակումից հետո տեղեկությունը հաստատել են ևս մի քանի լրատվամիջոցներ:

FIFA The Best-ը Ֆուտբոլի միջազգային ֆեդերացիայի(ՖԻՖԱ) ամենամյա մրցանակաբաշխությունն է, որի ընթացքում պարգևատրվում են տարվա լավագույնները:

2024 թվականին մրցանակին հավակնում են նաև Ջուդ Բելինգեմը, Դանի Կարվախալը, Տոնի Կրոսը, Կիլիան Մբապեն, Ֆեդե Վալվերդեն, Էրլինգ Հոլանդը, Լիոնել Մեսին, Ռոդրին, Ֆլորիան Վիրցն ու Լամին Յամալը:

O Globo-ն հաղորդում է նաև, որ մրցանակի բոլոր հավակնորդները հրավիրվել են մրցանակաբաշխությանը, սակայն նրանց մի մասը ներկա չի լինի:

Fenomeno, Realmadrid.am