«Խետաֆեն» բանավոր պայմանավորվածություն է ձեռք բերել Դանի Կարվախալի տեղափոխության շուրջ։ Այս մասին տեղեկացնում է Ֆաբրիցիո Ռոմանոն։
Ավելի վաղ հաղորդվում էր, որ «Ռեալի» նախկին պաշտպանը դրական է գնահատում մարզիչ Պեպե Բորդալասի ղեկավարությամբ հանդես գալու հնարավորությունը:
Կարվախալը տվել է իր համաձայնությունը «Խետաֆե» տեղափոխվելու համար՝ Ռոմանոն հաստատում է ABC պարբերականի տեղեկատվությունը:
34-ամյա ֆուտբոլիստն անցել է բժշկական զննություն: Ակումբը պատրաստ է հայտարարել տրանսֆերի մասին, մնում է միայն սպասել Լա Լիգայի հաստատմանը՝ ֆինանսական ֆեյր-փլեյի կանոնների շրջանակում:
Կարվախալն ամռանը լքեց «Ռեալը», որի կազմում հանդես էր գալիս 2013 թվականից: Ակումբի կազմում նա անցկացրել է 435 հանդիպում բոլոր մրցաշարերում, խփել է 14 գոլ և կատարել 65 արդյունավետ փոխանցում:
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
