Դանի Սեբալյոսը մեծ հավանականությամբ գալիք մրցաշրջանը ևս կանցկացնի Մադրիդի «Ռեալում»։

Relevo-ի փոխանցմամբ, Կրոսի հեռանալուց հետո «Արքայական» ակումբի ղեկավարությունն ու մարզչական շտաբը չեն ցանկանում բաց թողնել Դանի Սեբալյոսին, ով խաղաժամանակի պակասի պատճառով մտադիր էր հեռանալ թիմից։ 

Առաջիկա մրցաշրջանում «Ռեալի» խաղային գրաֆիկը բավական խիտ է, և պարբերաբար ռոտացիայի կարիք է լինելու։ Ուստի իսպանացու մնալը մրցաշրջանի ընթացքում մեծապես կարող է օգնել թիմին։ Նշվում է, որ «Ռեալը» բաց կթողնի Սեբալյոսին միայն լավ առաջարկ ստանալու պարագայում։ 

Լա Լիգայի ավարտված մրցաշրջանում Դանին «Ռեալի» կազմում մասնակցել է 20 հանդիպման և դարձել երկու գոլային փոխանցման հեղինակ։

Los Merengues, Realmadrid.am