1955 թվականի սեպտեմբերի 8-ին «Արքայական ակումբն» իր առաջին խաղն անցկացրեց Եվրոպական գավաթի խաղարկությունում, որը մրցաշարի անդրանիկ մրցաշրջանն էր: «Ռեալը» Ժնևում 2-0 հաշվով հաղթեց շվեյցարական «Սերվետին»:
Միգել Մունյոսը խփեց առաջին գոլը, իսկ Ռիալն ամրագրեց Վիլյալոնգայի թիմի առաջին հաղթանակը:
Առաջին մրցաշրջանն ու փառքը. «Ռեալը» փլեյ-օֆֆում պայքարից դուրս թողեց «Սերվետին», «Պարտիզանին» ու «Միլանին», իսկ եզրափակիչում հաղթելով «Ռեյմսին»՝ նվաճեց գավաթը Փարիզում:
Մեծագույն թիմը
68 տարի անց Մադրիդի «Ռեալը» 14 տիտղոսով ամենահաջողակն է եվրագավաթային այս մրցաշարում: Թիմը գերիշխում է նաև ռեկորդային թվով հաղթանակներով (285), անցկացրած խաղերի (476) և խփած գոլերի (1047) քանակով:
Անհատական մակարդակում «Ռեալից» մրցաշարում ամենաշատ խաղ անցկացրած ֆուտբոլիստն Իկեր Կասիլյասն է (152), գլխավոր ռմբարկուն՝ Կրիշտիանու Ռոնալդուն (105 գոլ):
Fenomeno, Realmadrid.am
ՌԵԱԼ ՄԱԴՐԻԴ 
Հայերեն 
English 
