Այսօր լրանում է 45 տարին, որ Մադրիդի «Ռեալի» ու համաշխարհային ֆուտբոլի պատմության մեծագույն դարպասապահներրից մեկը՝ Ռիկարդո Զամորան հեռացավ կյանքից:
Նա «Արքայական ակումբի» աստղերից է եղել 1930-1936 թվականներին: Զամորան մեծ ավանդ է ունեցել, որ թիմն իր առաջին երկու տիտղոսները նվաճի (1931/32, 1932/33) ազգային առաջնությունում: Երկու մրցաշրջաններում էլ նա մրցաշարում ամենաքիչ գնդակ բաց թողած դարպասապահն էր: Ցուցանիշ, որը գրանցողները հետագայում սկսեցին պարգևատրվել հենց նրա՝ Զամորայի անվան մրցանակով: Եվ այդ մրցանակը շնորհվում է մինչև այժմ:
«Ռեալի» հետ նաև նաև երկու անգամ դարձավ Իսպանիայի գավաթի հաղթող: Առաջին դեպքում «Արքայական ակումբն» ուժեղ էր «Վալենսիայից», երկրորդ դեպքում՝ «Բարսելոնայից»: Ընդ որում՝ այդ «Էլ Կլասիկոն» վերջին պաշտոնական խաղն էր Զամորայի համար մադրիդյան գրանդի մարզաշապիկով, վերջին խաղ, որ տիտղոսաբեր էր:
Ռիկարդո Զամորան կյանքից հեռացավ 1978 թվականին՝ 77 տարեկան հասակում:
Fenomeno, Realmadrid.am
ՌԵԱԼ ՄԱԴՐԻԴ 
Հայերեն 
English 
