Ֆերլան Մենդին հերթական անգամ վնասվածք է ստացել։ 

Նախապես նշվում էր, որ ֆրանսիացին չի կարողանա օգնել թիմին մոտ մեկ ամիս, սակայն հավելյալ բուժզնման արդյունքում պարզ է դարձել, որ վերականգնման գործընթացը սպասվածից ավելի երկար է տևելու։ Մենդին բաց կթողնի մոտ 6 շաբաթ։ 

27-ամյա ֆուտբոլիստի համար սա 10-րդ վնասածքն է «Արքայական» ակումբ տեղափոխվելուց ի վեր։ 

Ընթացիկ մրցաշրջանում ֆրանսիացի ֆուտբոլիստը «Ռեալի» կազմում մասնակցել է 25 հանդիպման և վնասվածքի պատճառով բաց թողել 16 խաղ։ Նշվում է, որ նա բաց կթողնի թիմի ևս 10 հանդիպում։ 

 Մենդիի բացակայության պայմաններում Կարլո Անչելոտին ձախ պաշտպանի դիրքում հաճախ օգտագործում է Էդուարդո Կամավինգային։

Los Merengues, Realmadrid.am