Լա լիգայի 20-րդ տուրում Մադրիդի «Ռեալը» արտագնա խաղում 0-1 հաշվով պարտվեց «Մալյորկային»:

«Ռեալի» գլխավոր մարզչի հետխաղային մամուլի ասուլիսը.

«Կարծում եմ, որ Վինիսիուսը մեղավոր չէ տեղի ունեցած դեպքերի համար: Նա ընդամենը ցանկանում է ֆուտբոլ խաղալ: Մրցակցի երկրպագուներն ու ֆուտբոլիստները միշտ սադրում են նրան: Տեսեք՝ ինչ եղավ այսօր»:

«Սպասում էինք, որ դժվար հանդիպում է լինելու և խախտումներ նույնպես շատ կլինեն: Մրցակցի ֆուտբոլիստներին պետք էր ավելի շատ դեղին քարտ ցույց տալ: Ոչ թե այն պատճառով, որ խախտումները լուրջ էին, այլ նրա համար, որ դրանք մշտապես էին»:

«Մենք կոտրված ենք: Վատ հանդիպում չանցկացրինք, բայց «Մալյորկայի» արագ գոլն ու չիրացված 11-մետրանոցը ազդեցություն ունեցավ»:

«Հիմա մենք պետք է կենտրոնանանք այլ բաների վրա՝ օրինակ աշխարհի ակումբային առաջնության»:

«Կազմը սխալ չէր ընտրված: Ես չէի կարող առաջին րոպեներից օգտոգործել Կրոսին ու Մոդրիչին, քանի որ Թոնին 100 տոկոսով պատրաստ չէր, իսկ Լուկային հանգիստ էր պետք»:

«Մենք մինչև վերջ պայքարելու ենք Լա լիգայում: Դեռ ոչինչ որոշված չէ, առջևում շատ խաղեր կան»:

«11-մետրանոցն իրացնելիս ես ընտրություն կատարեցի Ասենսիոյի, այլ ոչ թե Ռոդրիգոյի օգտին, քանի որ մտապահում էինք՝ նա 11-մետրանոց չիրացրել ԱԱ-ում: Դա կարող էր ազդել նրա վրա»:

«Նախաղավարժանքի ժամանակ Կուրտուան որոշ խնդիրներ ունեցավ և վաղը բուժզննում կանցնի, որից հետո պարզ կդառնա ճշգրիտ ախտորոշումը»: