Diario AS-ի փոխանցմամբ, Դանի Սեբալյոսը որոշել է մնալ Մադրիդի «Ռեալում» ևս մեկ մրցաշրջան։ Այժմ ակումբում մտածում են նրա հետ նոր պայմանագիր կնքելու մասին։ Ֆուտբոլիստի գործող պայմանագրի ժամկետը ավարտվում է հաջորդ ամռանը։ 

Սեբալյոսի որոշման վրա մեծապես ազդել է Կարլո Անչելոտին, ով նրան ավելի շատ խաղաժամանակ է երաշխավորել։ Մասնագետի կարծիքով իսպանացին խաղաոճով նման է Լուկա Մոդրիչին։ Այս կերպ 26-ամյա ֆուտբոլիստը կարող է կիսապաշտպանության հիմնական եռյակին փոխարինողների առաջին շարքում լինել։ 

Անչելոտին բարձր է գնահատում Սեբալյոսի որակները։ Նա նույնիսկ ցանկանում էր «Ալմերիայի» դեմ խաղում նրան տեղ հատկացնել մեկնարկային կազմում, սակայն ի վերջո փոխեց իր որոշումը և հնարավորություն տվեց երիտասարդներին։

Los Merengues, Realmadrid.am