Հոդվածներ

«Յուվենթուսը» շարունակում է հետևել Լուկա Յովիչին
18.09.2021
1654 0

Մի շարք աղբյուրների փոխանցմամբ, Լուկա Յովիչը հունվարին կարող է տեղափոխվել Թուրինի «Յուվենթուս»։ 

Իտալական ակումբը տրանսֆերային պատուհանի վերջին օրերին կորցրեց Ռոնալդուին և բավարար ժամանակ չուներ նոր հարձակվող ձեռք բերելու համար։ «Յուվենթուսը» վերադարձրեց Մոյզե Կինին, սակայն իտալացին այնքան էլ լավը չէ, որպեսզի կարողանա արժանիորեն փոխարինել Ռոնալդուին։

Նույն աղբյուրների փոխանցմամբ, իտալական գրանդը փորձելու է նոր հարձակվող ձեռք բերել հունվարին։ Տարբերակների թվում է նաև «Ռեալի» հարձակվող Լուկա Յովիչը, ով ամեն կերպ փորձում է խաղաժամանակ ստանալ «Արքայական» ակումբի կազմում։ Նախորդ մրցաշրջանում Յովիչը վարձավճարային հիմունքներով տեղափոխվեց «Այնտրախտ», որտեղ բավական հաջող հանդես եկավ։

«Ռեալը» դեմ չէ այդ գործարքին, սակայն եթե նախորդ մրցաշրջանում Յովիչը հեռացավ թիմից վարձավճարային հիմունքներով, ապա այժմ «Սերուցքայինները» ցանկանում են ամբողջական տրանսֆեր իրականացնել։

Los Merengues, Realmadrid.am


Ամենակարդացված