«Ռեալը» պաշտոնական առաջարկով դիմել է ՊՍԺ-ին Կիլիան Մբապեի տրանսֆերը գնելու համար: Այս մասին հաղորդում է տելեգրամյան ալիք La Saeta Rubia-ն:

Աղբյուրի հաղորդմամբ, «սերուցքայիններն» այսպիսի քայլի են դիմել՝ իմանալով Լեո Մեսսիի՝ «Բարսելոնայից» հեռանալու մասին: Բոլոր լրատվամիջոցներում շրջանառվում է այն լուրը, որ շուտով հայտարարվելու է արգենտինացու՝ ՊՍԺ տեղափոխության մասին:

Ֆլորենտինո Պերեսը վստահ է, որ նման տրանսֆեր ձևակերպելու համար փարիզյան ակումբը ստիպված է լինելու հրաժեշտ տալ որոշ ֆուտբոլիստների:

Եթե «արքայական» ակումբի հարցումը հաստատվի ֆրանսիական թիմի կողմից, ապա կսկսվի հնարավոր տեղափոխության դետալների քննարկումը:

Fanat, Realmadrid.am