Մադրիդի «Ռեալի» կենտրոնական պաշտպան Ռաուլ Ասենսիոն կարող է կարիերան շարունակել Ֆրանսիայում։
Ինչպես հայտնում է Mundo Deportivo պարբերականը, 23-ամյա խաղացողի ծառայություններով հետաքրքրված է «Մարսելը»։ Աղբյուրի փոխանցմամբ՝ ի սկզբանե Ասենսիոն «Մադրիդը» լքելու մեծ ցանկություն չի ունեցել, սակայն ի վերջո կարող է համաձայնել հեռանալուն։
«Մարսելը» ցանկանում է վարձակալել իսպանացուն՝ հետագայում 15 միլիոն եվրոյով ամբողջական տրանսֆերը գնելու իրավունքով։
Հաղորդվում է, որ «Ռեալը» կպահպանի «Մարսելից» Ասենսիոյի ցանկացած հետագա վաճառքի գումարի 25%-ի իրավունքը։ Ավելի վաղ խաղացողով հետաքրքրված էր պորտուգալական «Բենֆիկան», սակայն լիսաբոնյան ակումբը հրաժարվել էր գործարքում ներառել պաշտպանին՝ «Ռեալի» կողմից հետ գնելու հնարավորության կետը։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
