Մադրիդի «Ռեալի» և Ֆրանսիայի հավաքականի հարձակվող Կիլիան Մբապեն հումորով NBA-ին առաջարկել է մի քանի օրով պայմանագիր կնքել իր հետ։
Ֆրանսիայի հավաքականի պաշտոնական էջում հրապարակվել է տեսանյութ, որտեղ ֆուտբոլիստը Կոլումբիայի դեմ ընկերական խաղից հետո (3:1) հանդերձարանում գնդակը նետում է աղբամանի մեջ։ Դրանից հետո Մբապեն ծիծաղելով վազում է սենյակով և պարելով տոնում պահը։
«10-օրյա պայմանագի՞ր»,- մեկնաբանել է տեսանյութը Կիլիանը՝ նշելով լիգայի պաշտոնական էջը։ Ազգային բասկետբոլի ասոցիացիայի մամուլի ծառայությունն էլ ռեպոստ է արել հրապարակումը և պատասխանել՝ «Լավ, Մբապե»։
Հիշեցնենք, որ մարտի 26-ին Ֆրանսիայի հավաքականն ընկերական խաղում հաղթել էր Բրազիլիայի ընտրանուն՝ 2:1։
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
