«Պետք է պատրաստ լինել, լավ հանգստանալ և տրամադրվել եզրափակչում հաղթելուն»,– բացատրել է ուրուգվայցին, որը տուգանայինի տպավորիչ հարվածով բացել էր խաղի հաշիվը

«Ռեալ Մադրիդը» հաղթեց «Ատլետիկոյին» Իսպանիայի սուպերգավաթի կիսաեզրափակչում, և Վալվերդեն, որը տուգանայինի հզոր հարվածով դարձել էր հանդիպման առաջին գոլի հեղինակը, նշեց.

«Տարվա առաջին գոլն էր: Առանց գոլի այդքան խաղերից հետո սա հիանալի հանդիպում էր կրկին աչքի ընկնելու և թիմին հաղթանակ պարգևելու համար: Միևնույն ժամանակ, պետք է շարունակենք լինել ինքնաքննադատ. մենք ունեցանք պահեր, բայց նրանց թիմն ավելի շատ պահեր ստեղծեց: Կարծում եմ՝ նրանք մեզնից շատ ավելի լավ խաղացին: Մենք պետք է շարունակենք շտկել դա և կատարելագործվել. մենք մեծ թիմ ենք: Այն պահերին, երբ ստիպված ենք լինում տառապել (դիմակայել ճնշմանը), պետք է ավելի միասնական լինենք: Դա ֆուտբոլի մի մասն է՝ պետք է կարողանալ և՛ դիմանալ ճնշմանը, և՛ հարձակվել, և՛ լինել միասնական»:

«Մարդ միշտ ցանկանում է հանդիպումը սկսել հաղթանակով: Շատ դժվար է սկսել պարտվելով, իսկ հետո փոխել խաղի ընթացքը: Մենք մի փոքր թուլացանք հենց սկզբում խփած գոլից հետո, և մեզ համար դժվար էր տիրել գնդակին ու ցուցադրել մեր խաղը: Հանդիպումը գրեթե այդպիսին էր: Մենք շատ պահեր ունեցանք, բայց դրանք ստեղծվեցին հակագրոհների կամ գնդակի խլման արդյունքում: Պետք է լինել ինքնաքննադատ և շարունակել աճել»:

Հոգնածությունը վերջին րոպեներին

«Երկու թիմերն էլ արդեն բազմաթիվ խաղեր են անցկացրել... Նաև այստեղի շոգն ազդեց բոլոր ֆուտբոլիստների վրա: Մենք աշխատում և ապրում ենք սրա համար, բայց լինում են պահեր, երբ մարմինը զգում է ծանրաբեռնվածությունը: Նկատելի էր, որ վերջին րոպեներին երկու թիմերի համար էլ շատ ծանր էր»:

Զրույցը Սիմեոնեի հետ

«Դա ֆուտբոլիստի և մարզչի միջև ներքին էթիկայի հարց է: Դա ֆուտբոլի մի մասն է: Սա դերբի է, և բնական է, որ այն նման կերպ է անցնում: Կարևորն այն է, որ ամեն ինչ մնում է խաղադաշտում: Թող ֆուտբոլը շարունակի ապրել իր ավանդույթներով և ունենա այդ կայծը»:

«Կլասիկոն» եզրափակչում

«Պետք է պատրաստ լինել, լավ հանգստանալ և տրամադրվել հաղթանակին»: