Չեմպիոնների լիգայի 1/8 եզրափակչում «Բարսելոնայի» դարպասը հեթ-տրիկ ձևակերպելուց հետո ՊՍԺ-ի հարձակվող Կիլիան Մբապեն շփվել է լրագրողների հետ:
«Գնահատում եմ ՊՍԺ-ի մարզաշապիկն, ու այս ակումբը միշտ կմնա իմ սրտում: Ամեն դեպքում հիմարություն կլիներ ապագայիս մասին որոշում կայացնելը ընդամենը 1 հանդիպման արդյունքում: Այդպիսի որոշումները տրվում են երկար մտածելուց հետո: Միշտ էլ ասել եմ, որ այստեղ ամեն ինչ շատ լավ է, իսկ նման խաղերն ավելի են երջանկացնում ինձ:
Քննադատությու՞նը. սրտին մոտ մի ընդունեք ձեր հասցեին արված քննադատությունը, որովհետև նույնիսկ մեծագույններն են քննադատվել: Խաղացեք ոչ թե քննադատներին լռեցնելու, այլ թիմին ու խաղընկերներին օգնելու համար:
Պետք է շեշտել, որ մենք դեռևս ոչնչի չենք հասել ու անհրաժեշտ է շարունակել նույն ոգով»,- ֆրանսիացու խոսքերը փոխանցում է Marca-ն:
Հիշեցնենք, որ Մբապեի ծառայություններով երկար ժամանակ է հետաքրքրված է «Ռեալը»: Սպասվում է, որ գործարքը կարող է կայանալ գալիք ամռանը:
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
