Իսպանիայի առաջնության 30–րդ տուրում Մադրիդի «Ռեալը» տանն ընդունեց «Վալենսիային» և պարտվեց 1։2 հաշվով։
«Արքայական ակումբի» կազմում աչքի ընկավ Վինիսիուս Ժունիորը (17՛), որն ավելի վաղ վրիպել էր 11–մետրանոցից (13')։ «Վալենսիայից» գոլեր խփեցին Դիակաբին (15') և Դուրոն (90+5')
Կառլո Անչելոտիի սաները 63 միավորով երկրորդ հորիզոնականում են և առաջնության հաջորդ տուրում կհյուրընկալվեն «Ալավեսին» (13.04.2025, 18:15), սակայն նախքան այդ, Չեմպիոնների լիգայի քառորդ եզրափակիչի առաջին խաղում արտագնա հանդիպում կանցկացնեն «Արսենալի» դեմ (08.04.2025, 23:00)։