Վաղը «Ռեալն» ու «Ատլետիկոն» հերթական անգամ ուժերը կչափեն միմյանց հետ։ Երևանի ժամանակով 23։45-ին թիմերը կսկսեն պայքարը ՉԼ-ի ընթացիկ խաղարկության 1/8 եզրափակչի շրջանակում։
«Արքայական» ակումբի գլխավոր մարզիչ Կարլո Անչելոտին հավասար է գնահատում թիմերի շանսերը։
«Պայքարը հավասար է լինելու, և ամեն բան որոշվելու է պատասխան խաղում։ Խաղը մրցակցային է լինելու, և մենք չենք մտածելու առաջին խաղում մեծ առավելություն ստանալու մասին։
Դերբիները միշտ միանման են լինում։ Սա յուրահատուկ խաղ է՝ մշտական ճնշմամբ և էմոցիաներով հարուստ, որը զգում ես խաղից առաջ։ «Ատլետիկոն» շատ լավ մրցաշրջան է անցկացնում։
Նախորդ դերբիում մենք շատ վատ խաղացինք առաջին կեսում, բայց շատ լավն էինք երկրորդում։ Պետք է մտածել այն մասին, որ անցկացնենք այնպիսի հանդիպում, ինչպիսին այդ երկրորդ խաղակեսինն էր։ Դա բարդ չէ». նշել է Անչելոտին։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
