Իսպանիայի առաջնությունում Մադրիդի «Ռեալը» արտագնա խաղում 0–2 հաշվով պարտվեց Բիլբաոյի «Ատլետիկին»։

«Արքայական ակումբի» գլխավոր մարզիչ Կառլո Անչելոտիի հետխաղային մամուլի ասուլիսը։

«Այսօր մենք լավ խաղացինք և արժանի էինք ոչ–ոքի արդյունքի։ Երկրորդ խաղակեսում մենք ավելի լավ հանդես եկանք։ Կարող էինք ավելիին հասնել, սակայն անգամ այս արդյունքից հետո էլ մենք շարունակում ենք պայքարել չեմպիոնական տիտղոսի համար։ Հիմա մենք ամբողջովին կենտրոնացած ենք «Ժիրոնայի» դեմ խաղի վրա»։

«5 պարտություն ընթացիկ մրցաշրջանու՞մ, մենք գիտենք, որ պետք է լավացնենք մեր խաղը։ Հիմա մենք այդքան էլ լավ տեսք չունենք պաշտպանությունում և պետք է աշխատենք այդ ուղղությամբ»։

«Մբապեն վշտացած է։ Մենք չենք կարող դատել Կիլիանի խաղը միայն վրիպած 11–մետրանոցի համար, քանի որ նման բան կարող է լինել յուրաքանչյուրի հետ։ Հիմա նա լավագույն մարզավիճակում չէ, բայց մենք պետք է նրան ժամանակ հատկացնենք հարմարվելու համար»։

«Հաստիքային 11–մետրանոցի իրացնողի փոփոխությու՞ն, մենք ունենք Մբապե, Վինիսիուս Ժունիոր և Բելինգեմ»։

«Վալվերդեն նույնպես հիասթափված է, ինչպես Մբապեն։ Ցանկացած պարագայում, չնայած այսօրվա խաղին, նա անձեռնմխելի ֆուտբոլիստ է մեզ համար»։