Ջոնաթան Տան կարող է կարիերան շարունակել Մադրիդի «Ռեալի» կազմում։ 

Վնասվածքների արդյունքում ստեղծված իրավիճակը ստիպել է «Ռեալին» մտածել պաշտպանության գիծը համալրելու մասին։ Ֆուտբոլիստներից մեկը, որին դիտարկում են այդ դերում, Ջոնաթան Տան է։

Sky Sport -ի լրագրող Ֆլորիան Պլետենբերգի փոխանցմամբ, «Սերուցքայինները» կփորձեն ձեռք բերել «Բայերի» ֆուտբոլիստի տրանսֆերային իրավունքները այս ձմռանը։ Երկու ակումբների միջև բանակցություններ դեռևս չեն եղել։

Ջոնաթանի ծառայություններով հետաքրքրված է նաև «Բավարիան», բայց մյունխենյան ակումբում ցանկանում են նրան թիմ հրավիրել ամռանը, երբ նա կստանա ազատ գործակալի կարգավիճակ։ 

Նշվում է, որ Ռամոսի վերադարձը «Արքայական» ակումբ այս պահին շատ քիչ հավանական է։

Los Merengues, Realmadrid.am