Կայացավ «Ոսկե գնդակի» շնորհման արարողությունը, որի արդյունքում մրցանակը բաժին հասավ «Մանչեսթեր Սիթիի» և Իսպանիայի հավաքականի յհենակետային կիսապաշտպան Ռոդրիին։

Երկրորդ հորիզոնականը զբաղեցրեց Մադրիդի «Ռեալի» հարձակվող Վինիսիուս Ժունիորը, որը այսպես է արձագանքել․ «Անհրաժեշտության դեպքում 10 այսպիսի մրցաշրջան կանցկացնեմ։ Նրանք պատրաստ չեն»։

Հիշեցնենք, որ այս տարի պատմության մեջ առաջին անգամ «Ոսկե գնդակը» France Football–ը շնորհում էր ՈՒԵՖԱ–ի հետ համատեղ։

Հաշվի առնելով ՈՒԵՖԱ–ի և «Ռեալի» լարված հարաբերությունները՝ դժվար չէ կռահել, թե ինչու մրցանակը բաժին չհասավ ամենաարժանիին՝ Վինիսիուս Ժունիորին։

«Ռեալի» նախկին և ներկա ֆուտբոլիստները, ֆուտբոլային և առհասարակ սպորտի աշխարհն աջակցել է Վինիսիուս Ժունիորին՝ այս մեծագույն անարդարությունից հետո։

«Լավագույնը»,– գրել է «Ռեալի» նախկին ֆուտբոլիստ Թոնի Կրոսը և համատեղ ննկար հրապարակել Վինիսիուսի հետ։

«Սիրում եմ քեզ Անտոնիո»,– արձագանքել է Վինիսիուս Ժունիորը։

***

Չուամենի․ «Ոչ ոք չի կարող գողանալ քեզանից այն, ինչին դու հասել ես եղբայր։ Մենք բոլորս գիտենք։ Նրանք պատրաստ չեն այն բանին, ինչը դու պատրաստվում ես անել»,– գրել է ֆրանսիացի հարձակվողը X–ում։

***

Բենզեմա․ «Չափից դուրս ուժեղ ես»,– գրել է ֆրանսիացին և համատեղ լուսանկար հրապարակել ինստագրամի սթորի բաժնում։

***

Դու լավագույնն ես Վինիսիուս»,– գրել է ուկրաինացի դարպասապահ Լունինը և համատեղ լուսանկար հրապարակել՝ Վինսիսիուսի վրա «համար 1»–ի սթիքեր ավելացնելով։

***

Վալվերդե․ «Չկա մի մրցանակ, որը կարող է ցույց տալ, թե որքան լավն ես դու։ Եվ ես խոսում եմ ոչ միայն խաղադաշտում քո որակների, այլ նաև դրա սահմաններից դուրս։ Ես սիրում եմ քեզ եղբայր»։

***

Պակետա․ «Ես հպարտանում եմ, որ քո ընկերն եմ և հիանում եմ քեզանով։ Ես քեզ ավելի շատ եմ երկրպագում, քան իմ ցանկացած հաջողություն։ Գրում եմ, որ դու պարզապես իմանաս այդ մասին։

Ես հիանում եմ քո պատմությամբ և նրանով, թե ով ես դարձել։ Դու աշխարհի լավագույն ֆուտբոլիստն ես, անգամ եթե հակառակն ասեն»։

***

Ռիշարլիսոն․ «Ցավոք, բոլորի համար անհայտ չափանիշների հիման վրա, դու այսօր չարժանացար «Ոսկե գնդակին»։ Ինձ սխալ չհասկանաք, Ռոդրին հիանալի ֆուտբոլիստ է և արժանի էր հայտնվելու լավագույնների թվում, սակայն ցավալի էր, որ մրցանակը չարժանացավ Վինիսիուսին։ Եվ այսօր պարտվեց միայն ֆուտբոլը։

Ես հիշում եմ, որ Վինիսիուսն ասում էր, որ երազում է տեսնել, թե ինչպես է ամբողջ Բրազիլիան երկրպագում իրեն։ Այդ օրը եկավ այսօր։ Դու աշխարհի լավագույն ֆուտբոլիստն ես և ոչ մի մրցանակ դա չի փոխի։ Առաջ շարժվիր և կանգ մի առ։ Մենք քեզ հետ ենք»։

***

«Ֆլամենգո» ֆուտբոլային ակումբ․ «Մենք գիտենք, թե ով էր արժանի «Ոսկե գնդակին»։ Մենք հպարտանում ենք քեզանով, Վինիսիուս»։

***

Ֆիգու․ «Ոսկե գնդակը» հրաշալի մրցանակ էր նախքան այսօրվա օրը։ Ես հյուրանոցում էի, երբ ինձ ասացին, որ «Ռեալը» չի ժամանի։ Հիմա պետք է հարցն ուղղել այն մարդկանց, ովքեր քվեարկում են՝ լրագրողներին, որոնք միայն տեսականորեն են հասկանում ֆուտբոլից»։

Գրառումներ կատարվել են նաև մարզաշխարհի տարբեր ականավոր մասնագետների և լեգենդար մարզիկների կողմից։