Ընթացիկ մրցաշրջանում «Ռեալի» ֆուտբոլիստները պաշտոնական խաղերում երեք անգամ չեն իրացրել 11-մետրանոցները (և մեկը՝ մինչմրցաշրջանային հավաքի ժամանակ):  Այնուամենայնիվ, Խոսելուն «Արանդինայի» դեմ խաղի ժամանակ մրցաշրջանում «սերուցքայինների» առաջին 11-մետրանոցն իրացրեց:

Բրահիմն այս մրցաշրջանում «Ռեալի» 9 խաղում 5 գոլ է խփել: Այնքան, որքան նախորդ մրցաշրջանում «Միլանի» 32 խաղում:

Խոսելուի և Բրահիմի գոլերը խփվեցին 78 վայրկյան տարբերությամբ: Գավաթում «Ռեալ Մադրիդն» այդքան արագ 2 գոլ չէր խփել 1983 թվականից ի վեր (երբ «Օվիեդոյի» դարպասը գրավել էին Անխելն ու Սանտիլյանան):

Արդա Գյուլերը նորամուտը նշեց «Ռեալի» կազմում: Նա դարձավ ակումբի պատմության երրորդ ֆուտբոլիստը Թուրքիայից (Ալթինթոփից և Նուրի Շահինից հետո):

«Ռեալ Մադրիդը» երկու անգամ անընդմեջ չի հաղթել երկրի գավաթը 1976 թվականից ի վեր: 

4-րդ (կամ ավելի ցածր) դիվիզիոնի թիմը «Ռեալին» գոլ չէր խփել 2002 թվականից ի վեր (այդ ժամանակ «Սանսեին» էր հաջողվել):