ՊՍԺ-ի պատմության լավագույն ռմբարկու Կիլիան Մբապեի՝ այս ամառ «Ռեալ Մադրիդ» հավանական տեղափոխության դեպքում խաղադաշտում կարող են տեղի ունենալ դիրքային փոփոխություններ, հաղորդում է Marca-ն:

Անչելոտիի խոսքով՝ բրազիլացուն ավելի շատ դուր է գալիս կենտրոնում խաղալը և նա ցանկանում է դուրս գալ կոմֆորտ զոնայից՝ ավելի հաճախ հանդես գալով հարձակման կրակագծում:

Այդ իսկ պատճառով կարելի է ենթադրել, որ Մբապեն կարող է զբաղեցնել ձախ եզրը, քանի որ ավելի վաղ ֆրանսիացին ակնարկել էր, որ չի սիրում խաղալ «9» համարի դիրքում: Վինիսիուսի՝ հարձակման կենտրոն տեղափոխվելու դեպքում մադրիդցիների գլխավոր մարզիչը կազատվի ավելորդ գլխացավանքից և կկարողանա գոհացնել երիտասարդ աստղերին:

Ինչ վերաբերվում է Վինիսիուսի և Մբապեի համագործակցությանը, ապա բրազիլացին միշտ հիացել է ֆրանսիացի ֆուտբոլիստով և ցանկանում է խաղալ նրա հետ մեկ թիմում: