Մադրիդի «Ռեալում» գտնում են, որ Ջուդ Բելինգեմը կարող է արժանի փոխարինող դառնալ Լուկա Մոդրիչին։ 

The Times-ի փոխանցմամբ, 19-ամյա ֆուտբոլիստին իրենց կազմում ցանկանում են տեսնել «Մանչեսթեր Սիթին» և «Ռեալը»։ 

«Արքայական» ակումբում հույս ունեն, որ Պերեսի և «Բորուսիա Դորտմունդի» նախագահի՝ Վացկեի միջև եղած ջերմ հարաբերությունները որոշակի առավելություն կտան «Ռեալին»՝ այս ֆուտբոլիստի տրանսֆերի համար մղվող պայքարում։ 

«Լիվերպուլը» ևս հետաքրքրված է այս ֆուտբոլիստի ծառայություններով, սակայն նրանք դժվար թե կարողանան վճարել ավելի քան 100 մլն ֆունտ։ 

«Չելսին» և «Մանչեսթեր Յունայթեդը», որոնք դեռ 2020-ին էին փորձում ձեռք բերել Բելինգեմի տրանսֆերային իրավունքները, դեռևս չեն կորցրել իրենց հետաքրքրվածությունը։

Ընթացիկ մրցաշրջանում Բելգինգեմը «Բորուսիայի» կազմում մասնակցել է 17 հանդիպման՝ դառնալով 8 գոլի և 2 գոլային փոխանցման հեղինակ։

Los Merengues, Realmadrid.am