Մադրիդի «Ռեալը» չի պատրաստվում փչացնել հարաբերությունները «Բավարիայի» հետ հանուն Օլիսեի տրանսֆերի։
Նշվում է, որ ֆրանսիացի ֆուտբոլիստը Մունդիալի ընթացքում չի թաքցրել «Ռեալին» միանալու իր ցանկությունը։
COPE-ի տեղեկություններով, մադրիդյան ակումբը քայլ չի կատարի նրա տրանսֆերի համար այնքան ժամանակ, քանի դեռ ֆուտբոլիստն անձամբ հրապարակավ չի հայտարարել հեռանալու ցանկության մասին։ Սա կապված է նրա հետ, որ Ֆլորենտինո Պերեսը շատ ջերմ հարաբերություններ ունի մյունխենյան ակումբի հետ և չի ցանկանում դրանք փչացնել։
Բացի այդ, նշվում է, որ ներկա պահին «Ռեալն» իրեն չի կարող 150 մլն եվրոյից բարձր տրանսֆեր թույլ տալ, հակառակ պարագայում ստիպված է լինելու բաժանվել առաջատար ֆուտբոլիստներից մեկից։
Los Merengues, Realmadrid.am
ՌԵԱԼ ՄԱԴՐԻԴ 
Հայերեն 
English 
