Հայտնի է, թե ինչից է կախված Արբելոայի ապագան «Ռեալում»

06.04.2026

565 0

Մադրիդի «Ռեալում» վերջին արդյունքներից հետո ուժեղացել է ճնշումը գլխավոր մարզիչ Ալվարո Արբելոայի վրա։ «Մալյորկայի» դեմ պարտությունը (1:2) բարդացրել է չեմպիոնության համար պայքարը, և AS-ի տեղեկություններով՝ այժմ շատ բան կախված կլինի մադրիդցիների ելույթներից Չեմպիոնների լիգայում։ Հենց եվրագավաթը կարող է դառնալ մարզչի ապագայի վերաբերյալ որոշման հիմնական գործոնը։

Ակումբի ներսում մասնագետի աշխատանքը հիմնականում գնահատվում է դրական․ նրան հաջողվել է բարելավել մթնոլորտը թիմում, կառուցել հարաբերություններ առաջատարների հետ, ինչպես նաև հնարավորություն տալ երիտասարդ ֆուտբոլիստներին։ Սակայն վերջին անհաջողությունը զգալիորեն փոխել է ընդհանուր ֆոնը թիմի շուրջ։

30 տուրից հետո «Ռեալը» մրցաշարային աղյուսակում զբաղեցնում է 2-րդ տեղը՝ ունենալով 69 միավոր և 7 միավորով զիջելով «Բարսելոնային»։

Fanat, Realmadrid.am