«Անդրեյ Լունինը առաջին ուկրաինացին է, ով ավագի թևկապով դաշտ է դուրս եկել «Ռեալ Մադրիդի» կազմում Լա Լիգայում», – գրել է Ուկրաինայի հավաքականն իր սոցցանցերում:

Այս հնարավորությունը ստեղծվեց Վինիսիուսի փոխարինումից հետո,. այն բանից հետո, երբ թևկապը փոխանցվեց երեք խաղացողների ձեռքով: Նախ այն կրում էր Կարվախալը, նրա փոխարինումից հետո թևկապն անցավ Վալվերդեին, իսկ վերջինիս ուղիղ կարմիր քարտով հեռացումից հետո այն հայտնվեց Վինիսիուսի թևին: Եվ ահա 87-րդ րոպեին տեղի ունեցավ Լունինի պատմական պահը Լա լիգայում: «Իհարկե, ավագ լինելը քեզ հպարտությամբ է լցնում: Ես դրա համար շատ ժամանակ ու աշխատանք եմ ներդրել: Ակումբն ինձ միշտ աջակցել է»,- բացատրել է նա:

Կուրտուայի բացակայության պայմաններում (ով մոտ մեկուկես ամիս դուրս է մնացել շարքից), հնարավորությունը նորից տրվեց ուկրաինացուն: Սա նորություն չէ նրա համար, քանի որ նա դեռ 23/24 մրցաշրջանում ապացուցեց, որ լիովին պատրաստ է լինել «սերուցքայինների» դարպասի հուսալի պաշտպանը:

Անդադար աշխատանք, անթերի վերաբերմունք և լիակատար նվիրվածություն. սա է այն գաղտնի բանաձևը, որը թույլ տվեց Լունինին առաջ շարժվել՝ չնայած ֆուտբոլային աշխարհի ամենաբարդ աշխատանքն ունենալուն՝ լինել աշխարհի լավագույն դարպասապահի փոխարինողը: