Հոդվածներ

Իսկոն օգտագործեց իր վերջին հնարավորությունը
28.02.2021
1564 0

Զինեդին Զիդանի՝ «Ատալանտայի» դեմ խաղում կեղծ 9 համարի դիրքում Իսկոյին խաղադաշտ դուրս բերելու որոշումը շատերի քննադատությանն արժանացավ, սակայն 28-ամյա ֆուտբոլիստը կարողացավ արդարացնել մարզչի սպասելիքները։ 

Իսկոն բավական լավ էր իրեն զգում իր համար ոչ սովորական դիրքում և նա ցույց տվեց, որ դա կարող է շրջադարձային լինել Մադրիդի «Ռեալում» իր կարիերայի հետագա ընթացքի համար։ 

2018/19 մրցաշրջանից ի վեր Իսկոն կորցրել է իր տեղը «Ռեալի» մեկնարկային կազմում։ Նոյեմբերի 8-ից ի վեր իսպանացին միայն մեկ անգամ է հայտնվել թիմի մեկնարկային կազմում։ Վերջին անգամ դա եղել էր «Ալկոյանոյի» դեմ գավաթային խաղում։ «Ատալանտայի» դեմ խաղում Իսկոն բավական լավ էր համագործակցում Կրոսի և Մոդրիչի հետ, և կարելի է ասել, որ լավ աշխատանք կատարեց մինչ այն պահը, երբ հանդիպման 76-րդ րոպեին Զինեդին Զիդանը որոշեց փոխարինել նրան։ 

Չնայած այն բանին, որ այս մրցաշրջանում Իսկոն ստացել է ընդամենը  532 րոպե խաղաժամանակ, «Սերուցքայինների» գլխավոր մարզիչ Զինեդին Զիդանի մի քանի անգամ հստակ հասկացրել է, որ ֆուտբոլիստը մտնում է իր պլանների մեջ։  Իսկոն ցանկություն էր հայտնել հունվարին հեռանալ թիմից, սակայն Մարտին Էդեգորի տեղափոխությունից հետո նա որոշեց մնալ «Ռեալում» և պայքարել անհրաժեշտ խաղաժամանակի համար։ 

Կարծես թե Իսկոն մտնում է Զիդանի ռոտացիայի պլաններում, և եթե նրան հաջողվի վերականգնել ստաբիլությունը, ապա նա կրկին կարող է կարևոր ֆուտբոլիստ դառնալ Մադրիդի «Ռեալի» համար։

Los Merengues, Realmadrid.am