Լևանդովսկին բաց կթողնի «Ռեալի» դեմ կայանալիք եզրափակիչը

20.04.2025

195 0

Ռոբերտ Լևանդովսկին բաց կթողնի Մադրիդի «Ռեալի» դեմ կայանալիք Իսպանիայի գավաթի խաղարկության եզրափակիչը։

Լա Լիգայի 32-րդ տուրում լեհ հարձակվողը «Սելտայի» դեմ խաղի երկրորդ կեսում մկանային վնասվածք է ստացել ու լքել խաղադաշտը։

Այսօր հայտնի է դարձել, որ 36-ամյա ֆուտբոլիստը վնասել է ազդրի մկանը։

Նշվում է, որ հարձակվողը կատալոնական ակումբին չի կարողանա օգնել մոտ երեք շաբաթ։

Այդ կերպ նա բաց կթողնի ապրիլի 26-ին կայանալիք Իսպանիայի գավաթի խաղարկության եզրափակիչը։ Նա նաև կարող է չմասնակցել ՉԼ-ի կիսաեզրափակիչ փուլի «Ինտերի» դեմ կայանալիք երկու հանդիպումներին։

Los Merengues, Realmadrid.am