Relevo. «Ռեալում» վաղուց արդեն կասկածներ կային, որ թիմը պատրաստ չէ Չեմպիոնների լիգայի մեծ խաղերին, և այդ կասկածները հաստատվում էին յուրաքանչյուր հանդիպման ընթացքում։ Անչելոտին փորձում էր դուրս բերել թիմը ճգնաժամից, բայց ամիսների ընթացքում «Ռեալը» միայն ավելի էր փլուզվում՝ վերջնականապես ապացուցելով, որ մարզչի փոփոխությունն անխուսափելի է։

«Սերուցքայինները» լուրջ խնդիր ունեն, որը դեռ մրցաշրջանի սկզբից չեն կարողանում լուծել՝ թիմային նվիրումի բացակայություն։ Օրինակ՝ «Արսենալի» դեմ խաղում թիմը մրցակցից 12 կիլոմետր պակաս վազեց, ավելի քիչ հարվածեց դարպասին և պակաս ժամանակ ուներ գնդակի վերահսկողության մեջ։ Ավելին՝ ոչ մի «Ռեալի» ֆուտբոլիստ նույնիսկ 10 կիլոմետր չէր անցել։

Ընթացիկ մրցաշրջանում «Ռեալը» արդեն կրել է 10 պարտություն, որոնցից շատերը՝ գլխավոր մրցակիցների դեմ։ Վերջին չորս խաղում «Մադրիդը» 11 գոլ է բաց թողել, ինչը ցույց է տալիս, որ Անչելոտիի պաշտպանական համակարգը այլևս չի աշխատում, կամ ֆուտբոլիստները չեն կարողանում կատարել իրենց գործառույթները, կամ էլ՝ երկու խնդիրն էլ առկա է։

Անչելոտին այլևս չի կարողանում լուծում տալ ստեղծված խնդիրներին, քանի որ կորցրել է վերահսկողությունը հանդերձարանում։ «Ռեալի» ֆուտբոլիստներն էլ հիասթափված են 65-ամյա մասնագետի տաղտկալի տակտիկայից։