Չեմպիոնների լիգայի փլեյ-օֆֆի անցումային փուլի պատասխան խաղում Մադրիդի «Ռեալը» կընդունի «Մանչեսթեր Սիթիին» (առաջին խաղն ավարտվել է «Արքայական ակումբի»՝ 3–2 հաշվով հաղթանակով):

«Ռեալի» գլխավոր մարզիչ Կառլո Անչելոտիի նախախաղային մամուլի ասուլիսը

«Վաղը մեզ բարդ հանդիպում է սպասվում «Մանչեսթեր Սիթիի» դեմ»։ Մենք կունենանք նույն խաղային ծրագիրը, ինչ առաջին հանդիպման ժամանակ։

Գվարդիոլան իր թիմի՝ ՉԼ-ի 1/8 եզրափակիչ դուրս գալու հավանականությունը գնահատել է մեկ տոկո՞ս։ Հանդիպումից առաջ կհարցնեմ նրան այդ մասին։ Չեմ կարծում, որ նա իրոք այդպես է մտածում։ Մենք էլ մտածում ենք, որ ունենք փոքր առավելություն, որը պետք է ճիշտ օգտագործենք։

 «Վաղը մեր հիմնական կենտրոնական պաշտպանների զույգը կարող են կազմել Ասենսիոն և Ռյուդիգերը, իսկ Չուամենին այդ դեպքում կվերադառնա կիսապաշտպանություն։ Հիմա չեմ հստակեցնի, թե Օրելյենը վաղվա խաղում որ դիրքում հանդես կգա»։

 «Վալվերդեին անհրաժեշտ էր հանգստանալ «Օսասունայի» դեմ խաղից հետո, քանի որ նա որոշակի մկանային անհանգստություն ուներ։ Այսօր նա լավ մարզվեց ընդհանուր խմբում։ Պետք է գնահատենք Ֆեդերիկոյի վիճակը։ Անհրաժեշտության դեպքում Ասենսիոն կարող էր խաղալ նաև պաշտպանության աջ եզրում»։

«Լուկասը դեռ ամբողջությամբ չի վերականգնվել, բայց հնարավոր է, որ վաղը «Սիթիի» դեմ խաղում լինի պահեստայինների նստարանին»։

«Երեկվա «Բարսելոնա» – «Ռայո Վալեկանո» խա՞ղը։ Չեմ ուզում որևէ բան ասել։ Զարմանալի է, որ այս ամենը շարունակվում է։ Մենք ծայրաստիճան դժգոհ ենք մրցավարների աշխատանքից «Էսպանյոլի», «Ատլետիկոյի» և «Օսասունայի» դեմ խաղերում։ Որոշ մրցավարական որոշումներ մեզ համար անհասկանալի են։ Չեմպիոնների լիգայում մրցավարները շատ ավելի լավ են աշխատում, քան Լա Լիգայում»։

Կարծում եմ՝ VAR-ը խլել է մրցավարներից որոշում ընդունելու ժամանակը, և սա վտանգավոր է։ VAR-ը պետք է օգտագործվի միայն խաղի ելքը փոխող հիմնական դրվագներում։

Պաշտոնական բողոքը մրցավարական կորպուսի դեմ բացասաբա՞ր է ազդում մեր վրա։ Առանց մեկնաբանության։ Հույս ունեմ, որ Բելինգեմի կարմիր քարտը կչեղարկվի։

«Մբապեն հիանալի մարզավիճակում է։ Մեր հարձակման ողջ եռյակը շատ լավ է խաղում»։