Իսպանիայի սուպերգավաթի կիսաեզրափակիչում Մադրիդի «Ռեալը» կմրցի «Մալյորկայի» հետ (09.01.2025, 23:00):

«Ռեալ Մադրիդի» կիսապաշտպան Լուկաս Վասկեսի նախախաղային մամուլի ասուլիսը

«Օլմոյի գո՞րծը, դե մենք բոլորս գիտենք, թե ինչ է տեղի ունենում և ինչ ասաց երեկ Ռաֆինյան։ Մենք վստահում ենք ինստիտուտներին և օրենքներին, կտեսնենք, թե ինչ կլինի»:

«Իմ պայմանագրի երկարացո՞ւմը։ Այս մասին խոսելը դեռ վաղ է։ Ես երջանիկ եմ ակումբում»:

«Մալյորկան» այն թիմն է, որը շատ լավ հասկանում է, թե ինչպես պետք է խաղալ։ Նրանք խաղում են որպես թիմ բառի բոլոր իմաստներով։ Նրանք շատ լավ գիտեն, թե ինչ անել գնդակով և առանց գնդակի»:

«Ռեալի» ավագներից մեկը լինելն արտոնություն է։ Հպարտ եմ դրանով»:

«Տրե՞նտը, սա հարց է այն ֆուտբոլիստի մասին, որը մեր թիմում չէ։ Մենք կենտրոնացած ենք վաղվա խաղի վրա»:

«Մեր նպա՞տակը, ինչպես միշտ՝ ցանկանում ենք հաղթել այս գավաթը»: