Իսպանիայի առաջնության 16–րդ տուրում Մադրիդի «Ռեալը» հյուրընկալվելիս 3–0 հաշվով առավելության հասավ «Ժիրոնայի» նկատմամբ։

Կիլիան Մբապե․ «Բելինգեմն անհավանական ֆուտբոլիստ է։ Հաճելի է նման բարձրակարգ ֆուտբոլիստների հետ մեկ թիմում հանդես գալը։ Ջուդը հիանալի հանդիպում անցկացրեց «Ժիրոնայի» դեմ, Բրահիմն ու Գյուլերը՝ նույնպես։ Մենք մի թիմ ենք և շատ ուրախ ենք այսօրվա հաղթանակի կապակցությամբ»։

Դ․ Յանես․ «Ես երազում էի գլխավոր թիմում նորամուտը նշելու մասին և միշտ ասում էի այդ մասին։ Ես մանկուց «Ռեալի» երկրպագու եմ։

Խաղադաշտ մտնելիս Անչելոտին ինձ ասաց, որ խաղամ այնպես, ինչպես «Կաստիլյայի» կազմում։

Ա․ Գյուլեր․ «Շատ երջանիկ եմ հաղթանակի կապակցությամբ։ Թիմը դժվար ժամանակներ է ապրում և ես շատ էի ցանկանում օգնել գոլերով։ Ջուդը գոլ խփեց և ես նույնպես շատ էի մեկը ցանկանում»։

Լուկաս Վասկես․ «Շատ ուրախ ենք Ջուդի համար։ Նա գոլ է խփում, ասիստներ կատարում, պաշտպանցում․․․ նա ամեն ինչ անում է»։