Կարլո Անչելոտին կիսվել է «Լիվերպուլի» դեմ խաղի ակնկալիքներով։ 

«Յուրաքանչյուր հաղթանակ ավելի շատ վստահություն է տալիս։ «Լիվերպուլն» այս մրցաշարում շատ լավ է հանդես գալիս, բայց մենք վերադարձել ենք ու հույս ունենք հաջողության հասնել։ Մենք ուժեղ կազմ ունենք։ Մրցաշրջանի ավարտին դեռ շատ կա։

Կարծում եմ, մեզ հիանալի հանդիպում է սպասվում։ Սա կարևոր խաղ է ու պետք է միավորներ վաստակել։ Մնացած խաղերում պետք է հնարավորինս շատ միավորներ հավաքել։

Չգիտեմ, կհաջողվի մեզ լավագույն ութնյակում տեղ գտնել, թե՝ ոչ, քանի որ մենք արդեն երկու խաղերում պարտություն ենք կրել, բայց մենք պետք է հնարավորինս շատ միավորներ վաստակենք։

Սա լավ հնարավորություն է վերադառնալ մեր լավագույն մակարդակին։ Ես պետք է վստահեմ թիմին ու հավատամ, որ մենք մրցունակ ենք». նշել է Անչելոտին։

Հիշեցնենք, որ վաղը «Ռեալը» ՉԼ-ի ընդհանուր փուլի 5-րդ տուրում ուժերը կչափի «Լիվերպուլի» հետ, որն այժմ վստահորեն գլխավորում է ԱՊԼ-ի մրցաշարային աղյուսակը։

Los Merengues, Realmadrid.am